Scéal Feachtas
Bunaíodh Feachtas sa bhliiain 1980 chun an Ghaeilge a chur chun cinn i measc daoine óga agus chun cuidiú le forbairt phearsanta agus shóisialta an duine óig.
Déanann muid freastal ar dhaoine óga san aoisghrúpa 10-18 mbliana d'aois.
Is eagraíocht óige dheonach í Feachtas. Táimid mar bhalleagras de Chomhairle Óige Náisiúnta na hÉireann agus glacann muid páirt ghníomhach i gcúrsaí óige agus i gcúrsaí Gaeilge. Táimid lonnaithe i mBaile Átha Cliath.
Eagraíonn muid clubanna óige agus imeachtaí éagsúla trí mheán na Gaeilge chun gréasáin shóisialta de Ghaeilgeoirí óga a fhorbairt le húsáid na Gaeilge sa phobal i measc an aosa óig an rud is ábhachtaí do thodhchaí na teanga. Tá sé mar aidhm againn úsáid shóisialta na Gaeilge a éascú trí ghréasáin a fhorbairt do lucht óg na Gaeilge.
Meon Feachtas
Trí chlár fiúntach a chur ar fáil, cuirfear le pobal óg na Gaeilge agus tabharfar tacaíocht dóibh an teanga a labhairt go sóisialta as a stuaim fhéin. Leagtar béim ar an spraoi agus ar fhéinmhuinín an duine óig a chothú sna himeachtaí sa chlub óige.
Ba mhaith linn an tabhacht a bhaineann le féiniúlacht an duine óig a léiriú sna seisiúin den chlub óige agus go bhfeicfidh na daoine óga an tábhacht a bhaineann lena dteanga agus a n-oidhreacht lasmuigh de chomhthéacs na scoile.
Feidhmíonn Feachtas trí na hoibrithe iontacha deonacha a bhíonn ag obair linn. Tá beirt oifigeach fostaithe agus brod stiúrtha deonach againn. Tá foireann láidir d;oibrithe deonacha againn a bhíonn ag obair lenár mbaill ó lá go lá.
Más spéis agat polasaithe Feachtas a léamh, cliceáil anseo.
