Obair Dheonach Feachtas
AR MHAITH LEAT A BHEITH AG OBAIR LINN?
Is eagraíocht óige í Fecahtas a fhéachann le spásanna sóisialta a chur ar fáil do dhaoine óga le Gaeilge. Déanann muid an Ghaeilge a chur chun cinn i measc daoine óga agus tacaíonn muid lena bhforbairt phearsanta agus shóisialta trí chlár fiúntach, taitneamhach agus dúshlánach a chur ar fáil dóibh. Is óg-eagras deonach muid, agus braitheann muid ar oibrithe iontacha deonacha chun ár gclár a chur ar fáil. Caithfidh gach oibrí deonach le Feachtas a bheith sásta dul faoi ghrinnfhiosrúchán an Gharda Síochána. Seachas do ról mar dhearthóir, caithfidh gach oibrí deonach a bheith thar 18.
CEANNAIRE CHLUB ÓIGE
Buaileann ár gclubanna uair sa tseachtain agus bíonn cruinnithe, gníomhartha, turais, cluichí agus spóirt ar siúl ag na daoine óga. Is deis iontach é dóibh bualadh le chéile in áit shábháilte agus cairdeas a dhéanamh trí Ghaeilge. Is í an t-aoisghrúpa atá ann faoi láthair sna clubanna ná 10-18. Tugann an club seans do dhaoine óga foghlaim agus scileanna a fhorbairt trí thaithí phraiticiúil agus bíonn ardú meanman iontu ó bheith neamhspleách agus ang déanamh rudaí dóibh féin. Tríd an gclub, faigheann siad an deis triail a bhaint as gníomhartha agus eispéiris nua!
Mar cheannaire óige, beidh tú freagrach as cabhrú leis an gclub óige a reáchtáil. Cuireann ceannairí áit shábháilte, shóisialta ar fáil do na daoine óga inar féidir leo scíth a ligean agus spraoi a dhéanamh. Beidh páirt lárnach ag na daoine óga féin i reáchtaíll an chlub ach beidh na ceannairí ann mar thacaíocht thábhachtach chun imeachtaí an chlub a éascú.
Is deis iontach é do cheannairí bualadh le daoine nua agus scileanna nua a fhoghlaim. Gheobhaidh tú taithí den scoth ar an obair don aos óg agu sbeidh tú ag cur le féinmhuinín agus le forbairt phearsanta daoine óga i do cheantar. Gheobhaidh tú traenáil sa gharchabhair agus sa chúram leanaí, maraon le traenáil eile.
Faoi láthair, táimid ag lorg ceannairí sna clubanna seo a leanas:
- Club Óige Feachtas, Baile Munna
- Áit: Club Setanta CLG, Bóthar Bhaile Munna, Baile Munna, BÁC 9
- Am: Dé hAoine: 18:30 - 20:00
- Club Óige Feachtas, Tamhlacht
- Áit: Scoil Santain, Bóthar na hAbhann Mór, Tamhlacht, BÁC 24
- Am: Dé Luain
- Seisiún 1: 18:00 - 19:00
- Seisiún 2: 19:00 - 20:00
- Club Óige Feachtas, Baile Brigín
- Áit: Ionad Pobail Comhcheangailte, Sráid Bhaile Átha Cliath, Baile Brigín, Baile Átha Cliath
- Am: Dé Céadaoin, 18:00 - 19:00
- Club Óige Feachtas, Baile Lotrail
- Áit: Ionad Pobail Bhaile Lotrail, Bóthar Bhaile an Phoirtéaraigh, Cluain Saileach, BÁC 15
- Am: Déardaoin, 17:00 - 18:00
Taithí iontach d'aon duine ar mhaith leo dul isteach sa mhúinteoireacht/obair óige/earnáil na Gaeilge. Is féidir a bheith páirteach de chéim amháin den Tráth na gCeist nó de ghach rud.
Más spéis leat a bheith páirteach linn agus taithí iontach a fháil, téigh i dteagmháil linn ag:
nó
087 904 6136